«Tıtanıktegi» myńǵa jýyq jolaýshyny qutqarǵan kapıtannyń saǵaty rekordtyq baǵaǵa satyldy

<p>ASTANA. KAZINFORM &ndash; &laquo;Tıtanıktegi&raquo; 700 jolaýshyny qutqarǵan kapıtanǵa berilgen altyn qalta saǵaty aýktsıonda 2 mıllıon dollarǵa jýyq (shamamen 893 mln teńgeden asady) aqshaǵa satyldy. Bul týraly <a href="https://ru.euronews.com/culture/2024/11/18/culture-titanic-watch-sells-for-record" target="_blank" rel="noopener">Euronews</a> habarlady.</p>

Aıta keteıik, Tiffany & Co. Kompanııasy jasap shyǵarǵan 18 karattyq altyn qalta saǵaty Tıtanıkte jolaýshylardy qutqarǵan kapıtan Artýr Genrı Rostronǵa syıǵa tartylǵan. Ol aýktsıonda 1,8 mıllıon dollarǵa satylyp, burynǵy satylǵan «eń qymbat Tıtanık eskertkishteriniń» rekordyn jańartty.

Bul saǵatty kapıtanǵa keme apatynan qaza tapqan úsh aýqatty kásipkerdiń jesirleri alǵys retinde syılaǵan.

– Kapıtan Rostronǵa «Tıtanıktiń» úsh jolaýshysynan shynaıy alǵys jáne qurmetpen, 1912 jyly 15 sáýir – mıssıs Djon Teıer, mıssıs Djon Djeıkob Astor jáne mıssıs Djordj Ýaıdener, – dep jazylǵan syılyqta.

Astor hanymnyń kúıeýiniń aty – Djon Djeıkob Astor IV, ol Tıtanıktiń eń baı jolaýshysy retinde tanymal bolǵan. Keme apaty kezinde júkti áıelin qutqarý qaıyǵyna otyrǵyzyp, ózi qaza tapty.

Aıta keteıik, «Tıtanıktiń» teńiz túbine baıaý batyp bara jatqan biregeı fotosýretteri jasaldy.