«Tıtan» batıskafynda qaza bolǵan mıllıarder otbasyna ne qaldyrdy
Bul týraly Kazinform agenttiginiń menshikti tilshisi Unilad-ke silteme jasap habarlaıdy.
2023 jyldyń shildesinde Atlant muhıtynda «Tıtanıktiń» batyp qalǵan jerine ekskýrsııa jasaý kezinde shamamen 12 500 fýt (3 810 m) tereńdikke túsken «Tıtan» batıskafynda jarylys bolyp, saldarynan bes adam qaza tapty. Qaıǵyly oqıǵa mıllıarder Shahzada Daýd pen onyń 19 jastaǵy uly Súleıman Daýdtyń ómirin qıdy. Bıznes ımperııasynyń basshysy Pákistannyń jyldyq aınalymy 1,3 mlrd fýnt sterlıng jáne mıllıardtaǵan aktıvteri bar eń baı otbasylarynyń biriniń murageri edi.
Kásipker «Engro Corporation» tyńaıtqyshtar, azyq-túlik jáne energetıkalyq kompanııa tóraǵasynyń orynbasary, «Dawood Hercules Corporation» hımıkattar satý jáne SETI kommertsııalyq emes zertteý ınstıtýtynyń senimdi ókili boldy.
Onyń uly ákesimen birge Karachıdegi (Pákistan) otbasylyq bıznesti birge júrgizip, Glazgodaǵy (Shotlandııa) Stratklaıd ýnıversıtetinde bıznesti taldaý jáne adam resýrstaryn basqarý boıynsha bilim alǵan.
Alaıda brıtandyq Sýrreı graftyǵynda turatyn jesir áıel Krıstına Daýd pen qyzy Alınaǵa nebári 76 958 fýnt sterlıng (93 900 dollar) aqsha tólendi. Shahzada Daýdtyń ósıet qaldyrmaı qaıtys bolýy onyń otbasy múshelerine murasyn alýǵa múmkindik qaldyrmady.
Ósıette Shahzada Daýdtyń turaqty turǵylyqty jeri Pákistan bolǵany, sondyqtan onyń baılyǵynyń negizgi bóligi Ulybrıtanııadan tys jerde qalǵany aıtylǵan.
Eske salsaq, keme apaty ol súńgigennen keıin 1 saǵat 45 mınýttan keıin boldy. AQSh jaǵalaý kúzeti synyqtaryn tórt kúnnen keıin «Tıtanıktiń» tumsyǵynan 500 metrdeı jerde tapty.