Tirekti aýyldarda jetkilikti óndiristik jáne áleýmettik ınfraqurylym qurylatyn bolady - QR Óńirlik damý mınıstrligi
«Memleket basshysynyń bıylǵy 10 sáýirde ótken Kásipkerler keńesinde bergen tapsyrmasyn oryndaý maqsatynda Óńirlik damý mınıstrligi aýyldy jandandyrý máseleleri boıynsha uıymdastyrý sharalarynyń josparyn (Jol kartasyn) ázirledi. Aýyldyq aımaqtardyń aǵymdaǵy jaǵdaıyn baǵalaý úshin, eldi mekenderdegi óndiristik, áleýmettik jáne ınjenerlik ınfraqurylymdardy tolyqtaı zerdeleý, sondaı-aq olardyń áleýmettik-ekonomıkalyq damýyn taldaýdyń negizinde aýyldyq eldi mekenderdi toptastyrý usynylady. Toptastyrý nátıjesinde tıisti damytý sharalaryn daıyndaý úshin aýyldyq eldi mekenderdiń 4 toby anyqtalady. Bul - aýdan ortalyqtary, tirekti aýyldyq eldi mekender, aýyldyq jáne kenttik okrýgterdiń ortalyqtary, basqa da aýyldar. Aýdan ortalyqtary men tirekti aýyldyq eldi mekenderdi aýyl men qalanyń ekonomıkalyq, áleýmettik, mádenı jáne demografııalyq baılanystaryna kópir bolyp qyzmet atqaratyn ekonomıkalyq ósý ortalyqtary retinde damytý usynylady», - dedi vıtse-mınıstr.
Onyń sózine qaraǵanda, Jol kartasyna sáıkes, tirekti aýyldyq eldi mekenderdi «Óńirlerdi damytý» biryńǵaı baǵdarlamasynyń aıasynda jeke keshendi jospardy ázirleý arqyly damytý usynylady. Keshendi josparda jumys istep turǵan kásiporyndardy keńeıtý men jańǵyrtý, shaǵyn jáne orta bıznesti, áleýmettik, sondaı-aq ınjenerlik ınfraqrylymdy damytý, turǵyn úı qurylysyn salý, memlekettik, qarjylyq, servıstik jáne basqa da qyzmetterdi damytý boıynsha sharalar kózdeletin bolady.
«Tirekti aýyldyq eldi mekenderin jáne olarǵa irgeles aýmaqtardyń turǵyndaryna qajetti áleýmettik standarttardy qamtamasyz etý úshin, bul aýyldarda jetkilikti óndiristik jáne áleýmettik ınfraqurylym qurylatyn bolady. Óz kezeginde tirekti aýyldyq eldi mekender aýdan ortalyǵynyń, oblystyq jáne aýdandyq mańyzy bar qalalardyń yqpal etý aımaǵyna kiredi», - dedi S. Jumanǵarın.