Tına Kandelakı men Qazaqstan arasyndaǵy daýǵa Reseı SІM resmı ókili Marııa Zaharova ún qosty

<p>ASTANA. KAZINFORM &ndash; Reseı Federatsııasy Syrtqy ister mınıstrliginiń resmı ókili Marııa Zaharova otandasy Tına Kandelakıdiń málimdemesinen keıin týyndaǵan til daýyna pikir bildirdi.</p>

Buǵan deıin Syrtqy ister mınıstrliginiń resmı ókili Aıbek Smadııarov reseılik jýrnalıst Tına Kandelakıdiń Qazaqstannyń til saıasatyna baılanysty málimdemesinen keıin elge kirgizilmeıtinin aıtqan. 

Buǵan Tına Kandelakı jaýap qatyp, Aıbekti Máskeýge shaqyrdy.

«Meniń otanymnyń júregi Máskeýden bastaǵan jón shyǵar. Ondaǵy Chıstoprýdnyı býlvarynda Abaı Qunanbaevtyń eskertkishi tur. Sizge de, basqa barsha qazaqtar sııaqty ol jaı Abaı retinde ǵana belgili. Al bizge ol bizge orys tili men ádebıetin álem jaýharynyń kilti dep ataǵan adam retinde tanymal», - dep jazady jýrnalıst. 

Reseı Syrtqy ister mınıstrliginiń resmı ókili Marııa Zaharova da bul daýǵa ún qosty.

«Tınany da, Aıbekti de jaqsy bilemin. Ondaı kezdesý bolsa, óte qyzyq, ózara syılastyqqa toly pikirtalas bolatynyna senimdimin. Al jalpy bárimizge mazmuny baı ortaq tarıhymyzdyń úzdik tustaryn saqtaý baǵytynda jumys isteý kerek. Bul isti ádeppen, sáıkesinshe atqarý kerek», - deıdi Marııa Zaharova.