Tımýr Súleımenov: Qazaqstandaǵy dollardy reseılikter jappaı satyp alady dep qorqýdyń qajeti joq

<p>ASTANA. KAZINFORM &ndash; Parlament palatalarynyń birlesken otyrysynan keıin BAQ ókilderiniń suraǵyna jaýap bergen Ulttyq bank tóraǵasy Tımýr Súleımenov Reseıdiń valıýta naryǵyndaǵy qubylystardyń Qazaqstanǵa áseri týraly pikir bildirdi.</p>

- Keıbir sarapshylar «Máskeý bırjasyna» salynǵan sanktsııadan keıin Qazaqstandaǵy dollardy reseılikter jappaı satyp alady degen boljam aıtyp jatyr. Osyǵan baılanysty Reseı rýblin Qazaqstanda konvertatsııalaýǵa tyıym nemese shekteý qoıyla ma? – dep surady jýrnalıst.

Tımýr Súleımenovtiń paıymdaýynsha, ondaı sharaǵa qajettilik joq.

«Joq, qazirgi tańda shekteýdiń eshqandaı qajeti joq. Óıtkeni biz kórip otyrǵan qubylys tek 1-2 protsent kóleminde. Menińshe 1-2 protsent úshin shekteý jasaýdyń eshqandaı qajeti joq», - dedi ol.

Sondaı-aq, T.Súleımenov teńgeniń qazirgi álsireýi qazaqstandyq eksporttaýshylarǵa qolaıly dep esepteıtinin aıtty. 

«Ózderińiz kórip otyrsyzdar, qazirgi tańda 1 rýbldiń baǵamy 5,2 teńge bolyp tur. Sondyqtan ıá, teńgemiz kishkene álsiredi. Bul degen - bizdiń eksporttaýshylarymyz úshin óte bir tıimdi qubylys. Óıtkeni olardyń taýarlary ishki naryqta da, syrtqy naryqta da básekege qabilettirek bolady», - dedi Ulttyq bank basshysy.