Tımýr Qulybaev tutynýshylyq nesıe alýshylardyń kóbeıýine alańdaýshylyq bildirdi

ASTANA. QazAqparat - Bankterdiń nesıelendirý sharalary tıisti deńgeıde emes. Bul týraly Parlament Májilisinde «Atameken» UKP tóralqasynyń tóraǵasy Tımýr Qulybaev málim etti, dep habarlaıdy QazAqparat.

«Іri bankterdegi kórsetkishterge toqtalsaq, ótken jyly júrgizilgen saýyqtyrý sharalary shynymen de úlken kómek berdi. 3 trln teńgeden astam qarjy kommertsııalyq bankterge kirdi. Ókinishke qaraı, nesıelendirý úlesi áli de tıisti deńgeıde emes. Onyń kólemi JІÓ-ge shaqqanda tómendeýde. Máselen, bizde JІÓ-ge qaraǵanda nesıeler úlesi 31 paıyz bolǵan edi, al qazir 25 paıyzdan kem», - dedi tóralqa tóraǵasy.

Onyń sózine qaraǵanda, ókinishke qaraı tutynýshylaq nesıe alýshylar sany ósip kele jatyr.

«Nege? Sebebi taýarlar ımporty da artyp kele jatqanyn kórip otyrmyz. Adamdarǵa tutynýshylyq nesıelerdi beremiz, osy qarjyny turǵyndar taýarlardy, avtomobılderdi alýǵa jumsaıdy. Árıne, bul biz kútkendeı nátıje bermeıdi», - dep toqtaldy Qulybaev.

Aıta keteıik, búgin Májiliste «Atameken» UKP qyzmetiniń 5 jyldyq qorytyndysy boıynsha málimetter baıandaldy. Onda Ulttyq kásipkerler palatasynyń basqarma tóraǵasy Abylaı Myrzahmetov jáne onyń orynbasarlary sóz sóıledi.