Tımýr Qulybaev sport bapkerleriniń jalaqysyn kótermek

NUR-SULTAN. QazAqparat - Qazaqstanda sportshylardyń bapkerleriniń jalaqysy kóteriledi. Bul týraly búgin QR Ulttyq olımpıada komıtetiniń prezıdenti Tımýr Qulybaev aıtty, dep habarlaıdy QazAqparat tilshisi.

«Óńirlerdegi kolledjderdiń bazasynda sporttyq kolledjder qurý máselesin de kóterip otyrmyz. Bul oblystyq quramada júrgen jastardyń kásip alyp shyǵýyna múmkindik jasaıdy. Sportpen aınalysa júrip, kásip meńgerý arqyly ómirge naqty joldama alyp shyǵady. Bapker, mektepte múǵalim bolyp, sektsııalar júrgize alady», - dedi Tımýr Qulybaev QR Ulttyq olımpıada komıteti Bas assambleıasynyń otyrysynda.

UOK Prezıdenti ómirlik senimdi kásip ıesi bolý úshin sporttan ketip jatqan talantty jastardyń da kóp ekenine alańdaýshylyq tanytty.

«Biz bapkerlik mártebeli mamandyq bolatyndaı, olar laıyqty jalaqy alatyndaı jaǵdaı jasaýymyz qajet. Jattyqtyrýshylardyń jalaqysyn kóterýge baǵyttalǵan mundaı jumysty bastap ta kettik. Bas jattyqtyrýshylardyń jalaqysyn eki esege jýyq kóterdik. Qalǵan mamandarymyz boıynsha da osyndaı jumystardy júrgizemiz», - dedi ol.