«Tımýr Bekmámbetov tarazdyqtardy sotqa berdi»-respýblıkalyq basylymdarǵa sholý

ASTANA. 16 naýryz. QazAqparat - Qazaq aqparat agenttigi respýblıkalyq basylymdarda 16 naýryz, sársenbi kúni shyqqan ózekti materıaldarǵa sholýdy usynady.

***

«Keshe Aqordada Qazaqstan Respýblıkasynyń Prezıdenti N.Á.Nazarbaevtyń tóraǵalyǵymen Qaýipsizdik Keńesiniń otyrysy ótti», - dep jazady «Egemen Qazaqstan» gazeti búgingi nómirindegi «Qaýipsizdik - strategııalyq basty baǵyttardyń biri» degen taqyryppen berilgen maqalasynda. Basylymnyń atap ótýinshe, on­da ulttyq qaýipsizdik stra­te­gııasy máselesi, kólik jáne azyq-túlik qaýipsizdigi, jańa áskerı dok­trınany ázirleý, syrtqy saıa­sat­tyń jańa tujyrymdamasy, qu­qyq qorǵaý júıesin jetildirý, dinı ekstremızmmen jáne lań­kes­tikpen kúres, sondaı-aq sybaılas jemqorlyqpen kúres máseleleri qaraldy. Otyrys qorytyndysy boıynsha Memleket basshysy Úkimet pen memlekettik organdarǵa birqatar naqty tapsyrmalar berdi.

Elbasy Nursultan Nazarbaev Asta­na­nyń Kongress-Holl saraıynda qalanyń turǵyn úı basqarmasynda kezekte turǵan bir top astanalyqtarǵa memlekettik turǵyn úı qory esebinen jańa páterlerdiń kiltin tabys etti. Osyǵan oraı «Egemen Qazaqstan» gazetinde «Naýryzben kelgen qýanysh» degen taqyryppen kólemdi maqala jaryq kórdi. Osy kúnderi jalpy sany 400 otbasy páter alýǵa qol jetkizdi. Olardyń bári de áleýmettik ja­ǵynan qorǵalýǵa tıisti toptar­dyń ókilderi. Atap aıtqanda, 19-y UOS-na qatysýshy men múge­dekter, 33-i osylarǵa teńestirilgender, 10-y jetim balalar, 46-sy zeınetkerler, 62-si 1-shi jáne 2-shi toptaǵy múgedekter, 7-eýi múgedek balalar asyrap otyrǵan, 8-i kóp balaly, 47-si tolyq emes otba­sylar. Bulardan basqa áleýmettik páterler alýshylar qatarynda 3 adam aýyr dertke shaldyqqandar, 8-i ekologııalyq apat saldarynan baspanasynan aıyrylǵandar, 5-eýi memlekettik nemese qoǵamdyq min­detti atqarý kezinde qaza tap­qandar otbasylary boldy.

***

Qazaqstanda protezdi ortopedııa ortalyqtarynyń sany jetkiliksiz. Mundaı medıtsınalyq qyzmet túrine júginetinder ortalyqta aptalap, aılap kezekke turýǵa májbúr. Máselen, Almatydaǵy protezdi ortopedııa ortalyǵynyń bir ózi ǵana segiz oblys pen Almaty qalasyna qyzmet kórsetedi eken. Bul shalǵaı jerlerde turatyn múgedek azamattardyń der kezinde em alýyna úlken qıyndyq týǵyzyp otyr. Bul jaıynda «Alash aınasy» gazetiniń búgingi nómirindegi «Protezdi ortopedııa ortalyqtary qashan kóbeıedi?» degen maqaladan egjeı-tegjeıli maǵlumat alasyzdar.

«Tımýr Bekmámbetov tarazdyqtardy sotqa berdi». «Alash aınasy» gazetiniń jazýynsha, Ádilet mınıstrliginiń Intellektýaldy menshik quqyǵyn qorǵaý týraly komıtetine gollıvýdtyq rejısser Tımýr Bekmámbetovten aryz kelip túsken. Onda tanymal rejısser Taraz bazarlaryndaǵy «Elkı» fılminiń qaraqshylyq kóshirmelerin taratýshylardy jaýapqa tartýdy surapty. Jazylǵan jaıttyń mán-jaıyna qanyqqyńyz kelse, basylymnyń búgingi nómirin jiberip almańyz.

***

«Aıqyn» gazetiniń dástúrli «Aq sóıle!» aıdarynyń búgingi qonaǵy - Ekonomıkalyq damý jáne saýda mınıstri Janar Aıtjanova. Basylym tilshisiniń barlyq saýaldaryna egjeı-tegjeıli jaýap bergen ol: «Reseı naryǵy qazaqstandyq et ónimderin óndirýshiler úshin jabyq. Budan saıası astar izdep júrgender qatelesedi. Bizdiń ónim óndirýshilerdiń usynǵan ónimi, onyń daıyndalý ádisteri reseılik standartqa sáıkes kelmeıdi. Sondyqtan Qazaqstan úkimeti mal jaıylymdaryn, mal azyǵynyń, tipti mal soıylatyn tsehtardyń jaı kúıin KO ǵana emes, EO, DSU talaptaryna úılestirýge kóńil bóle bastady», - deıdi. Suhbattyń tolyq nusqasyn «Naryqtyq el mártebesin alý jolyndaǵy kelissózder EýroOdaq komıssııasynyń antıdempıngtik zertteýleri deńgeıinde jatyr» degen taqyryptap oqı alasyzdar.

Jeksenbi kúni Reseıdiń Hanty-Mansıısk aımaǵynda bıatlonnan álem chempıonaty óz máresine jetti. Osy baıraqty báseke jaıynda jazylǵan maqala «Aıqyn» gazetinde «Janarymyzben jer shuqyp qaıttyq» degen taqyryppen berilgen. Basylymnyń atap ótýinshe, myltyq asynǵan shańǵyshylardyń basyn qosqan dodada 11 medal jıyntyǵy sarapqa salyndy. Barlyǵy 40 memlekettiń sportshylary jarys jolyna shyqsa, bas júlde úshin negizgi tartys Germanııa men Norvegııa quramalary arasynda ótti. Bul jarysqa Qazaqstan quramasy da qatysty. «Ókinishke qaraı, Reseı jerinde jerlesterimizdiń joly bolmady. Júlde alý bylaı tursyn, eń bolmaǵanda birde-bir órenimiz kóńil kónshiterlik óner kórsete alǵan joq», - dep jazady basylym.

***

«Keshe Memlekettik hatshy-Syrtqy ister mınıstri Qanat Saýdabaev Ýkraınanyń Syrtqy ister mınıstri Konstantın Grışenkomen telefon arqyly sóılesti», - dep jazady «Kazahstansaıa pravda» gazeti. Basylymnyń atap ótýinshe, áńgimelesýshi taraptar Prezıdent N.Nazarbaev pen Prezıdent V. ıAnýkovıchtiń kezdesýleri erekshe jiger bergen ekijaqty jáne kópjaqty sıpattaǵy Qazaq­stan jáne Ýkraına yntymaq­tas­tyǵynyń odan ári damý beta­ly­syna baılanysty máseleler sheńberin qarastyrdy. Qos eldiń saýda-ekonomı­ka­lyq yntymaqtastyǵynyń qarqy­ny­na toqtala otyryp, taraptar strategııalyq áriptestikti jan-jaqty damytýdyń mańyzdyly­ǵyn atap ótti.