Tımofeı Skatov juptyq synda Germanııadaǵy jarystyń jartylaı fınalyna ótti

ASTANA. QazAqparat – Qazaqstandyq Tımofeı Skatov juptyq synda Braýnshveıg (Germanııa) chellendjer týrnıriniń jartylaı fınalyna ótti, dep habarlaıdy QazAqparat tilshisi.

Qazaqstandyq tennısshi ıspanııalyq Karlos Tabernermen birge eki kezdesýin sátti ótkizdi.

Qazaqstandyq-ıspanııalyq jup aldymen ıtalııalyqtar Franko Agamenone – Franchesko Passarony 4:6, 7:5, 14:12 esebimen tize búktirdi.

T.Skatov pen K.Taberner búgin shırek fınalda belorýssııalyq Ivan Lıýtarevıch – ýkraınalyq Vladıslav Manafovpen sheberlik baıqasyp, tartysty básekede 0:6, 7:6 (7:3), 11:9 esebimen jeńiske jetti.

Qazaqstandyq-ıspanııalyq dýettiń jartylaı fınaldaǵy qarsylastary keıin anyqtalady.

T.Skatov jekeleı synda ekinshi aınalymda lıvandyq Bendjamın Hassannan aılasyn asyra almady – 4:6, 6:3, 3:6.

Eske sala keteıik, budan buryn qazaqstandyq tennısshiler Ýımbldonda qansha tabys tapqanyn jazǵan edik.

Elena Rybakına endi AQSh-taǵy týrnırlerge daıyndalatynyn aıtty.

Danıal Rahmatýllaev álemdegi úzdik 200 jas tennısshiniń qataryna kirdi.