Tımofeı Skatov Shvetsııada álemniń 27-raketkasyn jeńdi

<p>ASTANA. KAZINFORM &ndash; Qazaqstandyq tennısshi, álemniń 223-raketkasy Tımofeı Skatov Bostad (Shvetsııa) ATP 250 týrnıriniń shırek fınalyna shyqty.&nbsp;</p>

Jarysty irikteý saıystarynan bastaǵan qazaqstandyq tennısshi ekinshi aınalymda álemniń 27-raketkasy, nıderlandylyq Tallon Grıkspýrdy joldan taıdyrdy.

Birinshi partııada nıderlandylyq tennısshi 6:1 esebimen aıqyn basymdylyq kórsetkenimen, odan keıin Skatov kambek jasaı aldy – 6:3, 6:3. 

Eki saǵat 10 mınýtqa sozylǵan tartysty matchta Tımofeı 1 eıspen birge 5 breık-poınttyń tórteýin múlt jibergen joq. Grıkspýr 6 eıs, 4 breıkpen (6 breık-poınt) kózge tústi. Osylaısha, T.Skatov óz sporttyq jolynda alǵash ret ATP 250 dodasynda qatarynan ekinshi jeńisine qol jetkizdi.

Tımofeı jartylaı fınalǵa shyǵý úshin portýgalııalyqtar Enrıke Rosha nemese Nýný Borgeshtiń qaı jeńgenimen talasady.

Qazaqstandyq tennısshi osy tabysynyń arqasynda ATP Live reıtıngisinde 183-orynǵa kóterilip tur.

Eske sala keteıik, budan buryn Aleksandr Nedovesovtiń Shvetsııadaǵy jarystyń jartylaı fınalyna ótkenin jazǵan bolatynbyz.