Tımofeı Skatov Rolan Garros týrnırine daıyndalyp jatyr

ASTANA. QazAqparat – Qazaqstandyq tennısshi Tımofeı Skatov bıylǵy ekinshi «Úlken dýlyǵa» týrnıri – Rolan Garros jarysynyń irikteý saıysyna qatysý úshin daıyndalyp jatyr, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, qazirgi kezde dúnıejúzilik reıtıngte 144-satyda turǵan 22 jastaǵy T.Skatov sol sebepten Frantsııanyń Bordo qalasynda ótip jatqan chellendjer dodasyna qatysýdan bas tartty.

Qazaqstandyq tennısshi alǵashqy aınalymda reıtıngte 392-satydaǵy frantsııalyq Matıas Býrkpen oınaýy kerek edi. T.Skatovtyń ornyna shyqqan reıtıngte 428-satydaǵy taǵy bir frantsııalyq Kırıan Jake M.Býrkti 6:4, 7:5 esebimen utyp ketti.

Frantsııa ashyq chempıonatynyń irikteý kezeńi 22 mamyrda bastalady. T.Skatovqa osyǵan deıin «Úlken dýlyǵa» týrnırine qatysýdyń sáti túspeı júr. Sondyqtan Parıjde taǵy bir ret talaptanyp kórmek.

Eske sala keteıik, budan buryn Elena Rybakınanyń Rım masters týrnıriniń shırek fınalyna shyqqanyn jazǵan bolatynbyz.

Elena Rybakına álemdik reıtıngide TOP-5 tennısshiniń qataryna endi.

Rım masters týrnırinde Anna Danılına juptyq synda ¼ fınalda súrindi.

Elena Rybakına Rımde álemniń birinshi raketkasymen oınaıdy.