ASTANA. KAZINFORM — Qazaqstandyq, álemniń 273-raketkasy Tımofeı Skatov Zadar (Horvatııa) chellendjer jarysynyń shırek fınalyna joldama aldy.
Qazaqstandyq tennısshi ekinshi aınalymda dúnıejúzilik reıtıngide 247-orynda turǵan ıtalııalyq Alessandro Djannessıden aılasyn asyrdy.
T.Skatov ıtalııalyq sportshyny 6:1, 6:2 esebimen aıqyn basymdylyqpen tize búktirdi. Bir saǵat 15 mınýtqa sozylǵan báseke barysynda Tımofeı 2 eıspen birge 12 breık-poınttyń tórteýin paıdalandy.
Tımofeı Skatov jartylaı fınalǵa shyǵý úshin álemniń 392-raketkasy, Aýstrııa ókili Sandro Koppen talasady.
Eske sala keteıik, budan buryn Denıs Evseevtiń juptyq synda Ispanııadaǵy jarystyń shırek fınalyna ótkenin jazǵan bolatynbyz.
Sondaı-aq tennısten álem chempıonatynda Qazaqstan jasóspirimder quramasy irikteý týrnıriniń shırek fınalyna shyqty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).