Tımofeı Skatov Horvatııadaǵy jarystyń fınalyna shyǵa almady

<p>ASTANA. KAZINFORM &mdash; Qazaqstandyq, álemniń 273-raketkasy Tımofeı Skatov Zadar (Horvatııa) chellendjer týrnıriniń fınalyna shyǵa almady.</p>

Qazaqstandyq tennısshi jartylaı fınalda álemniń 254-raketkasy, Bolgarııa ókili Adrıan Andreevpen synǵa tústi.

Bolgarııalyq tennısshi 6:3, 6:4 esebimen jeńiske jetti.

Eki saǵatqa jýyq ýaqytqa sozylǵan tartysty báseke barysynda Skatov 6 breık-poınttyń ekeýin paıdalandy. Andreev 3 eıspen birge 10 breık-poınttyń teń jartysyn múlt jibergen joq. 

T.Skatov jartylaı fınalǵa deıin jetýi nátıjesinde ATP Live reıtıngisinde 271-orynǵa kóterilip tur. 

AQSh-tyń Maıamı qalasynda masters týrnıri ótip jatqany belgili. Keshe túnde qazaqstandyq Aleksandr Býblık alǵashqy matchyn ótkizýi kerek edi. Biraq jańbyrǵa baılanysty oıyndar keıinge qaldyryldy. 

Maıamıde sondaı-aq Býblıkten basqa jekeleı synda Aleksandr Shevchenko, áıelder arasynda Elena Rybakına men ıÝlııa Pýtıntseva jarysty jalǵastyrýda.

Eske sala keteıik, budan buryn Tımofeı Skatovtyń Horvatııadaǵy jarystyń jartylaı fınalyna shyqqanyn jazǵan bolatynbyz.