Tımofeı Skatov Germanııadaǵy jarystyń fınalyna shyǵa almady

ASTANA. QazAqparat – Qazaqstannyń ekinshi, álemniń 138-raketkasy Tımofeı Skatov Karlsrýe (Germanııa) chellendjer týrnıriniń fınalyna shyǵa almady, dep habarlaıdy QazAqparat tilshisi.

Qazaqstandyq tennısshi jartylaı fınalda álemdik reıtıngte 145-orynda turǵan chılılik Alehandro Tabılomen kezdesti.

Birinshi partııany A.Tabılo 6:4 esebimen óz paıdasyna aıaqtasa, ekinshisinde qarqynyn údete tústi – 6:1.

Saǵat jarymnan astam ýaqytqa sozylǵan báseke barysynda T.Skatov 1 eıspen birge 6 breık-poınttyń bireýin ǵana paıdalandy. Qarsylasy 3 eıs, 4 breıkpen (10 breık-poınt) kózge tústi.

Germanııadaǵy jarystyń jartylaı fınalyna deıin jetken T.Skatov ATP Live reıtıngisinde qazirgi kezde 132-satyda tur.

Eske sala keteıik, budan buryn Aleksandr Býblıktik alǵash ret Ýımbldonnyń tórtinshi aınalymyna shyqqanyn jazǵan bolatynbyz.

Sondaı-aq Aleksandr Býblıktiń kelesi qarsylasy belgili boldy.

Mıhaıl Kýkýshkın AQSh-taǵy jarystyń jartylaı fınalyna joldama aldy.

Jas tennısshi Danıal Rahmatýllaev Tegerandaǵy týrnırdiń chempıony atandy.