Tımofeı Skatov Germanııadaǵy týrnırdiń shırek fınalyna shyqty

ASTANA. QazAqparat – Qazaqstannyń ekinshi, álemniń 138-raketkasy Tımofeı Skatov Karlsrýe (Germanııa) chellendjer týrnıriniń shırek fınalyna shyqty, dep habarlaıdy QazAqparat tilshisi.

Jarystyń altynshy raketkasy bolyp tirkelgen T.Skatov aldymen dúnıejúzilik reıtıngte 748-orynda turǵan Lıýksembýrg ókili Krıs Rodeshti 6:4, 3:6, 6:2 esebimen utty.

Qazaqstandyq tennısshiniń ekinshi aınalymda álemniń 190-raketkasy, ýkraınalyq Vıtalıı Sachkomen kezdesýi asa tartysty bolǵany sondaı, 3 saǵat 39 mınýtqa sozyldy.

T.Skatov birinshi sette 3:6 esebimen ese jibergenimen, sodan keıin qos taı-breıkte jeńisti julyp aldy – 7:6 (10:8), 7:6 (9:7).

Báseke barysynda qazaqstandyq sportshy 2 eıspen birge 12 breık-poınttyń beseýin múlt jibergen joq. Qarsylasy 10 breık-poınttyń altaýyn paıdalana bildi.

Tımofeı Skatov jartylaı fınalǵa shyǵý úshin reıtıngte 440-satydaǵy lıvandyq Hadı Habıbpen talasady.

Eske sala keteıik, budan buryn Rodjer Federerdiń Elena Rybakınanyń jeńisine qol soqqanyn jazǵan bolatynbyz.

Sondaı-aq Mıhaıl Kýkýshkın AQSh-taǵy týrnırdi sátti bastady.

Ýımbldonda ıÝlııa Pýtıntseva qarsylasyna jol berdi.