ASTANA. KAZINFORM — Qazaqstandyq, álemniń 242-raketkasy Tımofeı Skatov Aýgsbýrg (Germanııa) chellendjer týrnıriniń fınalyna shyqty.
Qazaqstandyq tennısshi jarystyń 1-raketkasyna saı sheberligin jartylaı fınalda da kórsete bildi.
Bul joly T.Skatov dúnıejúzilik reıtıngide 310-oryndaǵy germanııalyq Danıel Mazýrdan 7:5, 7:5 esebimen basym tústi.
2 saǵat 2 mınýtqa sozylǵan tartysty báseke barysynda ol 1 eıs jasap, 9 breık-poınttyń tórteýin paıdalandy.
Mazýr 2 eıs, 2 breıkten (9 breık-poınt) asa almady.
Tımofeı Skatov ta fınalda álemniń 293-raketkasy, danııalyq Elmer Mıýler nemese reıtıngide 378-satydaǵy ıtalııalyq Rıkkardo Bonadıonyń qaı jeńgenimen chempıondyq ataqty sarapqa salady.
T.Skatov ATP Live reıtıngisinde qazirgi kezde 222-orynǵa kóterilip tur.
Eske sala keteıik, budan buryn Rolan Garros týrnırinde Elena Rybakına bastaǵan qazaqstandyq tennısshilerdiń qarsylastary anyqtalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).