Tımofeı Skatov Frantsııadaǵy jarystyń ekinshi aınalymyna ótti
Jarystyń 3-raketkasy bolyp tirkelgen qazaqstandyq tennısshi dúnıejúzilik reıtıngide 591-orynda turǵan shveıtsarııalyq Mıka Brýnoldpen úsh settik match ótkizdi.
Birinshi partııada Skatov qarsylasyn 6:1 esebimen tas-talqan etse, ekinshisinde Brýnold ese qaıyrdy – 7:6 (7:5). Degenmen sheshýshi, úshinshi sette Tımofeı tájirıbesi men sheberliginiń moldyǵyn kórsetti – 6:3. Eki saǵat 25 mınýtqa sozylǵan kezdesý barysynda qazaqstandyq sportshy 3 eıspen birge 8 breık-poınttyń teń jartysyn múlt jibergen joq. Shveıtsarııalyq tennısshi 3 eıs, 1 breıkten (4 breık-poınt) asa almady.
Tımofeı Skatov shırek fınalǵa shyǵý úshin qos frantsııalyq, álemniń 341-raketkasy Matıs Erhard nemese Maksens Rıvettiń qaı jeńgenimen talasady.
Taǵy bir qazaqstandyq, álemniń 163-raketkasy Denıs Evseev Karlsrýe (Germanııa) chellendjer dodasynda alǵashqy aınalymda-aq reıtıngide 223-satydaǵy, 20 jastaǵy ıordanııalyq Abedalla Shelbaıhtan utylyp qaldy – 2:6, 3:6.
Eske sala keteıik, budan buryn ıÝlııa Pýtıntsevanyń Ýımbldonda álemniń eks 1-raketkasyn jeńgenin jazǵan bolatynbyz.
Sondaı-aq Aleksandr Býblık Parıj olımpıadasynda Elena Rybakınamen birge oınaýǵa daıyn ekendigin aıtty.