Tımofeı Skatov: Adam árdaıym ózine sene bilýi kerek

<p>ASTANA. KAZINFORM &ndash; Rosarıo qalasynda Devıs kýbogi irikteý kezeńi aıasynda ótip jatqan Qazaqstan &ndash; Argentına matchynda álemniń 28-raketkasy Tomas Martın Etcheverrıdi jeńgen Tımofeı Skatov óz oıymen bólisti.</p>

- Tımofeı, TOP-30-ǵa kiretin tennısshini utýdyń syry nede?

- Eń alymen buǵan sene bilýi kerek. Reıtıng apta saıyn ózgerip turady. Men reıtıngige qaramaýǵa tyrystym. Kortqa shyǵyp, komandaǵa upaı alyp berýge barymdy saldym. Oıynǵa bar zeıinimdi aýdaryp, maǵan kedergi jasaýǵa tyrysqan jankúıerlerge qaramadym. Qarsylasqa qysym jasap, soqqylardy oń jaqqa qaraı baǵyttadym, bul óz jemisin berdi.

- Tennıstiń qandaı komponentteri esebinen utysqa qol jetkizdiń?

- Kún óte ystyq bolǵandyqtan doptyń bıikteý sekiretinin baıqadym, sondyqtan bul oń jaqqa qaraı oınaýǵa múmkindik berdi. Sol jaqty da umytqan joqpyn. Ol da solaı oınaýǵa tyrysty. Biraq meniń soqqylarym nátıjeli boldy. Qolaıly sát týǵanda, torǵa jaqyndaýǵa tyrystym.

- Bizdiń komandamyzdy qoldaý úshin Argentınanyń ár jerinen adamdar, sondaı-aq Chılıden ánshi Dımash Qudaıbergenniń jankúıerleri keldi. Olardyń qoldaýyn estidiń be?

- Bizdiń jankúıerlerge boıymyz úırendi, olarmen eshteńeni teńestirý múmkin emes. Olar kópten komandamyzdyń bir bóligine aınalǵan. Sonyń ózinde minbeden týymyzdy kótergen adamdardy kórgende, erekshe qýattanasyń, onsyz qıyn bolar edi.

Eske sala keteıik, budan buryn Aleksandr Býblıktiń Monpele týrnıriniń fınalyna shyqqanyn jazǵan bolatynbyz.

Sondaı-aq tennısten Devıs kýboginde Qazaqstan – Argentına matchynda Tımofeı Skatov esepti teńestirdi.