Tımırıazev kóshesindegi BRT jelisine tıispeımiz – Baqytjan Saǵyntaev

ALMATY. QazAqparat – Tımırıazev kóshesindegi BRT jelisi qaz-qalpynda qalady. Bul týraly Almaty qalasynyń ákimi Baqytjan Saǵyntaev Bostandyq aýdanynyń turǵyndarymen kezdesý barysynda aıtty, dep habarlaıdy QazAqparat tilshisi.

«Bizge Tımırıazev kóshesindegi BRT týraly kóp aıtady. Men óz ustanymymdy aıta keteıin - BRT jelisi qalady. Jaqyn kúnderi biz LRT qurylysy týraly máseleni qarastyramyz. Qazir Úkimetten qurylysqa qomaqty qarajat surap otyrmyz. Bul jobany memlekettiń qoldaýymen ǵana júzege asyrýǵa bolady. Sebebi, mundaı úlken qurylysqa jergilikti bıýdjettiń shamasy kelmeıdi. Tımırıazev kóshesi boıyndaǵy BRT jelisin uzartý josparda bar», - dedi Almaty ákimi Baqytjan Saǵyntaev.