Tıimdi paıyzben kredıt alyp berem degen 2 adam sottaldy

<p>ASTANA. KAZINFORM &ndash; Aqtóbe oblysynda &laquo;World Business Consulting&raquo; qarjy pıramıdasyna qatysty sotqa deıingi tergeý aıaqtaldy, dep habarlaıdy Qarjylyq monıtorıng agentti.</p>

«World Business Consulting» qarjy pıramıdasy Qazaqstanda resmı tirkelgen halyqaralyq ınvestıtsııalyq kompanııa ókilderi retinde tansytyryp, Aqtóbede prezentatsııalar ótkizgen. Jıyndarda kúdiktiler qarjylyq ınvestıtsııalar, tıimdi paıyzben nesıe rásimdeý, álemniń kez-kelgen jerinen páter jáne jańa kólik satyp alý jaıly aqparattarmen azamattardy qyzyqtyrǵan. Osy arqyly olar jańa salymshylardy tartyp, olarǵa aı saıyn aqsha salyp odan syıaqy alatynyna sendirgen», - delingen agenttik habarlamasynda.

Kúdiktilerdiń zańsyz áreketinen 60 mln teńgege jýyq shyǵyn kelgen.

Sot úkimimen eki azamat kináli dep tanylyp, bes jylǵa shartty túrde bas bostandyǵynan aıyryldy.

Jábirlenýshilerge keltirilgen zalal tolyq kólemde óteldi.

Aıta ketsek, jyl basynan beri QMA qarjy pıramıdalaryn qurý jáne basqarý faktileri boıynsha 62 qylmystyq is aıaqtaldy, olardyń uıymdastyrýshylary 20 mlrd teńgege jýyq shyǵyn keltirdi. Búgingi tańda 13 mlrd teńgeden astam qarajat óteldi. Sonymen qatar qarjy pıramıdalarynyń belgileri bar 10,7 myń saıt pen silteme buǵattaýǵa joldandy.