Tım Dreıper qazaqstandyq startapqa mıllıon dollardan astam ınvestıtsııa saldy

<p>ALMATY. KAZINFORM &ndash; AQSh-taǵy venchýrlyq bıznestiń bastamashylarynyń biri Tım Dreıper qazaqstandyq Citix startapyna 1 mıllıon dollardan astam ınvestıtsııa saldy. Bul týraly &laquo;Digital Almaty-2024&raquo;: &laquo;Industry X: Bolashaqtyń tsıfrlyq evolıýtsııasy&raquo; VI tsıfrlyq forýmy barysynda Baǵdat Mýsın málim etti.</p>

Mınıstrdiń aıtýynsha, Silkroad Innovation Hub rezıdenttik jobalary ishki jáne álemdik naryqta joǵary suranysqa ıe. 

«Máselen, jaqynda Skype, Tesla jáne SpaceX kompanııalaryna tabysty ınvestıtsııalarymen tanymal álemdegi eń iri venchýrlyq ınvestor Tım Dreıper qazaqstandyq Citix startapyna 1 mıllıon dollardan astam ınvestıtsııa salǵan. Taǵy bir Hub rezıdenttik startapy TrustMe AQSh-taǵy Hero Training baǵdarlamasy aıasyndaǵy úzdikterdiń biri atandy», - deıdi ol. 

Eske salaıyq, byltyr qazan aıynda Memleket basshysy Qasym-Jomart Toqaev «Draper Fisher Jurvetson» kompanııasynyń teń quryltaıshysy jáne Dreıper ýnıversıtetiniń negizin qalaýshy Tım Dreıpermen kezdesken bolatyn.