Tilshiler Táýelsizdik, Elbasy taqyrybyndaǵy úzdik maqalalary úshin 1 mln teńgeden alady

ASTANA. QazAqparat - QR Tuńǵysh Prezıdeni kitaphanasy men «QR Tuńǵysh Prezıdenti - Ult kóshbasshysy qory» jýrnalıster arasynda «Qazaqstan Táýelsizdigi jáne Elbasy» taqyrybynda shyǵarmashylyq baıqaý ótkizýde, dep habarlaıdy «QazAqparat» HAA tilshisi.

Baıqaýdyń maqsaty - Táýelsizdik alǵannan bergi elimizdiń jetistikterin aqparattyq turǵyda qoldaý, memlekettiń negiziniń qalanýy jolynda Memleket basshysynyń eńbegin nasıhattaý, BAQ qyzmetkerleriniń shyǵarmashylyq shabytyna dem berý, Ult kóshbasshysynyń kitaphanasyndaǵy ekspozıtsııalyq qorlar men arhıvterdi medııalyq aınalymǵa engizý.

Baıqaý úsh nomınatsııa boıynsha ótedi: «Úzdik televızııalyq materıal», «Úzdik radıomaterıal», «Gazetter men jýrnaldardaǵy úzdik maqala», «Internet-BAQ-taǵy úzdik jarııalanym».

Baıqaýdyń barlyq sharttaryn www.presidentlibrary.kz jáne www.presidentfoundation.kz saıttarynan bilýge bolady.

Nomınatsııalar boıynsha birinshi oryn alǵan tilshiler - 1 mln teńge, ekinshi oryn ıelengender - 500 myń teńge, úshinshi orynǵa laıyqtalǵandar 200 myń teńge syıaqy alady.

Baıqaýǵa 2017 jyldyń 1 qańtary men 10 qazany aralyǵynda jarııalanǵan túpnusqa materıaldar qabyldanady. Qatysý úshin ótinimder 10 qazanǵa deıin qabyldanady.