«Tilge qaýip qaıdan?» - respýblıkalyq basylymdarǵa sholý

ASTANA. 20 maýsym. QazAqparat - Qazaq aqparat agenttigi respýblıkalyq basylymdarda 20 maýsym, sársenbi kúni shyqqan ózekti maqalalarǵa sholýdy usynady.

***

«Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Prezıdent Jarlyǵyn oryndaý úshin elimizdiń attestattaýdan ótýge tıisti quqyq qorǵaý organdarynyń barlyǵy derlik synaqqa bilek sybana kirisip ketkendeı kórinedi. Buǵan ár mınıstrlikten alǵan aqparattarymyz aıǵaq. Máselen, Tótenshe jaǵdaılar mınıstrligi osy is-sharany ótkizýge saqadaı saı daıyndalǵanyn pash etti. Ózgeler bul synaq óz­geshe bolýy kerek dep ózde­rinshe ton piship júrgende mınıstrliktiń mem­lekettik órtke qarsy qyzmet organda­rynyń 20 qyzmetkeri Prezıdent ja­nyndaǵy Joǵary attestattaý komıssııasyndaǵy attes­tattaý synaǵynan ótip te úlgerdi. Olardyń ishinde: or­talyq apparattyń qury­lym­dyq bólimsheleriniń 2 basshysy; órtke qarsy qyz­met komıtetiniń tóraǵasy men onyń 2 orynbasary; Kók­shetaý tehnıkalyq ıns­tı­týtynyń bastyǵy; Respýb­lı­kalyq daǵdarys ortaly­ǵy­nyń bastyǵy men onyń oryn­basary jáne oblys­tar­dyń, Astana, Almaty qala­la­rynyń tótenshe jaǵdaılar departamentteri bastyqta­ry­nyń 12 orynbasary bar. Osy attestattaý turǵysyndaǵy máseleler «Egemen Qazaqstan» basylymynyń búgingi sanyndaǵy «Synaq bastaldy» atty maqalada jazylǵan.

Keshe Premer-Mınıstr Kárim Másimovtiń tóraǵalyǵymen Úkimettiń selektorlyq rejimdegi otyrysy bolyp ótti. Onda Qazaqstan Respýblıkasynyń ruqsat berý júıesin odan ári reformalaýdyń 2012-2015 jyldarǵa arnalǵan tujyrymdamasy qaraldy. Tujyrymdama jobasyn Eko­no­mıkalyq damý jáne saýda mı­nıstri Baqytjan Saǵyntaev tanystyrdy. QR Ekonomıkalyq damý jáne saýda mınıstrliginiń má­limetine súıensek, tujyrymdama ruqsat berý qujattarynyń min­de­tine baılanysty olardy alty deńgeıge bólip qarastyrady. ıAǵnı, sýbektileriniń qyzmetine ruqsat berý (lıtsenzııalar), bilik­tiligin rastaý negizinde jeke tul­ǵalardyń kásibı qyzmet atqa­rýy­na ruqsat berý, kvota bólý jáne baıqaý ótkizý tetikterin paıdalana otyryp, shekteýli resýrstardy paıdalanýǵa ruqsat berý, nysandy (ǵımarat, mekeme, kólik quraly) paıdalanýǵa ruqsat berý, bólshek saýdaǵa jáne ónim satýǵa ruqsat berý. Sondaı-aq, tujyrymdamaǵa sáıkes biliktilikten ótken barlyq ruqsat berý qujattary retteý ny­sandarynyń qaýiptilik deńgeı­ine baılanysty úsh sanatqa bó­li­nedi.  Atap aıtqanda, keshe Úkimette qaralǵan osy jáne basqa da máseleler  «Egemen Qazaqstan» basylymynyń búgingi sanynda «Ruqsat berý júıesin reformalaý - kásipkerlik keńistigin keńeıtedi» atty taqyryppen jaryq kórdi.

                                                                                         ***

«Aıqyn» basylymynyń jazýynsha, álem halqy orta eseppen alǵanda 7 myń tilde sóıleıdi. Biraq sońǵy kezde birqatar tilderge úlken qaýip tóne bastaǵandaı. Ǵalymdardyń esebine júginsek, eki aptada bir til qurdymǵa ketedi eken. Al aldaǵy ýaqytta álemdegi tilderdiń 40 paıyzynyń joǵalý qaýpi bar. Túptiń túbinde dúnıejúzi halqy eki tilde, ıaǵnı aǵylshyn jáne qytaı tilinde sóıleıtin kórinedi. Osynyń jaýabyn «Aıqyn» basylymynyń búgingi sanyndaǵy «Tilge qaýip qaıdan?» atty maqaladan oqyńyzdar.

Sondaı-aq osy basylym betinde «Qoı baǵyp, quıryq jegen ozady» atty taqyrypta maqala jarııalanǵan. Onda Qazaqstanda jan basyna shaqqanda jylyna 8 keli et jep, álemde bul jaǵynan 5-orynda ekenimiz aıtylǵan. Al Reseı 0,9-1,0 keli qoı etin jeıdi eken.  «Biz qoı etin kóbeıtip, syrtqa shyǵaramyz desek, onda jylyna 24 myń tonna qoı etin qajet etetin Iran men 13,3 myń tonna et jeıtin Reseıge jáne 76 myń tonna et jeıtin Qytaıǵa satý tıimdi. Ózge elderdiń alystyǵyna baılanysty tasymaldaýdyń shyǵyny kóp bolǵan soń ázirshe tıimsiz dep oılaımyz», dep jazady «Aıqyn» gazeti.

***

«Alash aınasy» basylymy búgingi sanynda «Aýrýhanaǵa naýqas az jatsa, aýrý kemip ketedi degenge kim senedi?» atty maqala jarııalap, kókeıkesti másele kóterdi. Basylymnyń jazýynsha, elimizdiń Densaýlyq saqtaý mınıstrligi jańa bir «jańalyqtyń» qulaǵyn qyltıtqaly biraz boldy. «Reformadan kóz ashpaı kele jatqan mınıstrlik taǵy bir «Amerıka ashýymen» adamdardyń shamyna tıe bastady. ıAǵnı táýlik boıy jumys isteıtin statsıonarlarǵa naýqas az tússe dárigerlerge ustemaqy tólemek. Buǵan «Aman-saýlyq» qoǵamdyq qorynyń prezıdenti Baqyt Túmenova qarsy daý aıtyp otyr»,-dep jazady basylym.

***

«Lýchshe menshe, da krýche» taqyryptaǵy materıalda «Ekspress-K» basylymy Qazaqstanda dene turqy shaǵyn ıtterdi asyraý sánge aınalyp bara jatqandyǵyn jazady. Qazaqstan kınologtary odaǵynyń baǵalaýy boıynsha bárinen buryn chıhýahýa jáne kishkentaı terer ıtter suranysqa ıe. Chıhýahýa kúshikteri elimizde 20 myń teńgeden 180 myń teńgege deıin barady eken. Bul ıtke beriletin taǵam úlesine toqtalatyn bolsaq, oǵan jańa soıylǵan maldyń eti men kókónister ázirlenetin kórinedi. Sonymen qatar ony syılyqtarmen jáne sándi kıimdermen, qarǵybaýy asyl tastarmen bezendirilgen osy tektes dızaınerlik zattarmen erkeletedi. Ekinshi orynda ıorkshır tereri tur. Onyń quny 10-120 myń teńge aralyǵynda baǵalanady eken.