«Tildaryn» memlekettik tildi meńgerýdiń mýltımedııalyq keshenin ázirledi

ASTANA. 4 aqpan. QazAqparat - «Tildaryn» ortalyǵy memlekettik tildi meńgerýdiń «Qazaq tili. Tildaryn» atty mýltımedııalyq jáne oqý-ádistemelik keshenin ázirledi.

Búgin Astanada onyń tanystyrlymy boldy.

Ortalyq dırektory Merýert Japarovanyń aıtýynsha, atalǵan keshende memlekettik tildi meńgerýdiń biryńǵaı júıesi jınaqtalǵan. «Onda mýltımedııalyq materıaldarǵa deıin bári bar. Osynyń arqasynda qazaq tilin qashyqtan da oqytýǵa bolady. Adam kez kelgen jerde otyryp, uıaly baılanys arqyly tildi úırene alady. Osy oraıda aıta ketetin taǵy bir jáıt, adam jasyna shekteý joq: jasy, kárisi bar. Barlyǵy birdeı oqý-ádistemelik keshen boıynsha dáris alsa bolady», - deıdi M.Japarova.