«Til týraly» Zańǵa 25 jyl tolýyna oraı elordada gala kontsert ótedi
Sol alǵashqy Zań qabyldanǵan 25 jyldan beri atalǵan Zańǵa sáıkes til saıasaty júrgizilip keledi. QR Prezıdentiniń 998 jylǵy 20 qańtardaǵy № 3827 Jarlyǵymen qyrkúıektiń úshinshi jeksenbisi «Qazaqstan halqy tilderiniń kúni» dep belgilengen bolatyn. Osyǵan sáıkes Astana qalasynda jyl saıyn Qazaqstan halqy tilderiniń festıvalin ótkizý dástúrge aınalǵan.
5 qyrkúıekte ashylý saltanatynan bastaý alǵan Qazaqstan halqy tilderiniń HVІ qalalyq festıvali aıasynda «Úzdik jarnama», «Til - halyq janyn tanýdyń kilti», «Memlekettik til - memlekettik qyzmette» atty baıqaýlar, Jas aqyndar músháırasy, Otan - otbasynan bastalady» atty merekelik shara, «Kemel tildiń keleshegi» atty aktsııa ótkizildi. Sonymen qatar qaladaǵy memlekettik, qurylymdyq mekemelerde, balabaqsha, mektep, mádenıet, densaýlyq, kólik salasyndaǵy mekemelerde kóptegen issharalar uıymdastyrylýda.
22 qyrkúıek kúni «Til týraly» Qazaqstan Respýblıkasy Zańynyń qabyldanǵanyna 25 jyl tolýyna oraılastyrylǵan festıvaldiń gala kontserti ótedi. Atalǵan merekelik sharada til týraly tolǵamdar aıtylyp, Q. Qýanyshbaev atyndaǵy Memlekettik akademııalyq qazaq mýzykalyq drama teatry ártisteriniń qatysýymen qoıylymdar kórsetilip, Marjan Arapbaeva, Dosymjan Tańatarov, Ibragım Eskendir jáne t.b. án shyrqaıdy.
Bul sharaǵa zııaly qaýym ókilderi, QR Parlament Májilisiniń jáne Astana qalalyq máslıhat depýtattary, ardagerler, qarttar, memlekettik mekeme, ulttyq-mádenı ortalyqtar, memlekettik til qozǵalysy, «Qazaq tili» qoǵamy, úkimettik uıymdardyń basshylary, jastar qaýymy shaqyrylǵan.