«Til-Qazyna» ortalyǵy onlaın rejimde qazaq tilin oqytyp jatyr
«Eldegi tótenshe jaǵdaıǵa baılanysty Mádenıet jáne sport mınıstrligine baǵynysty oqý oryndary qashyqtan oqytý boıynsha sharalardy qolǵa aldy. Mádenıet, óner jáne sport salasy boıynsha bilim beretin uıymdar oqý protsesin Bilim jáne ǵylym mınıstrligi usynǵan nusqaýlar men ádistemelik materıaldardy synaqtan ótkizip keledi. Mektep-ınternat, kolledj ustazdary ásirese, shalǵaı eldi mekenderde turatyn balalardyń jaǵdaıyn jan-jaqty zerdeleı kele «Kúndelik», «Googl klass room», «ZOOM», «WhatsApp», «Telegram» sııaqty 5 platformany qoldanady», - dedi Mádenıet jáne sport mınıstri Aqtoty Raıymqulova OKQ-da ótken baspasóz máslıhatynda.
Mınıstrdiń aıtýynsha uıymdastyrý barysynda JOO-men qatar basqa da bilim berý oryndary «AIS Platonus» jáne MOODLE, Zoom platformalaryna kóshti. Al Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy da memlekettik tildi onlaın oqytýdy bastap ketken.