«Til-Qazyna» ortalyǵy qazaq tilindegi mátindi dybysqa aınaldyratyn Telegram-bot ázirledi
Bul ınnovatsııalyq bot kommýnıkatsııa salasyndaǵy úlken jańalyq jáne erekshe qajettiligi bar adamdar men qazaq tilindegi aqparatqa tez qol jetkizgisi keletinder úshin jańa múmkindikter beredi.
«Microsoft Azure ıntegratsııasy arqyly Telegram-bot qazaq tilinde jazylǵan mátindi joǵary deńgeıde dybysqa aınaldyryp, túrlendire alady. Bul qazaq tilindegi kitaptardy, jańalyqtar men maqalalardy, oqý materıaldaryn jáne basqa da mátinderdi ár túrli jaǵdaıda paıdalanýǵa múmkindik týǵyzady. Osyǵan oraı, paıdalanýshylar atalǵan botty óz kontaktilerine qosyp, oǵan birden qazaq tilindegi mátindi jiberý arqyly jańa fýnktsıonaldy qoldana alady. Botty Telegramm kanalynda @kztts_bot ataýy arqyly tabýǵa bolady. Bot mátindi jyldam ári sapaly dybystap, paıdalanýshyǵa aýdıofaıldy kez-kelgen ýaqytta tyńdaı alatyndaı etip qaıta joldaıdy. Qazirgi ýaqytta bot Aıgúl men Dáýlettiń daýysy arqyly dybystalady», - dep jazdy Ǵylym jáne joǵary bilim mınıstri Saıasat Nurbek Feısbýk jelisinde.
Mınıstrdiń aıtýynsha, bul progressıvti Telegram-bot qazaq tilindegi aqparatqa qoljetimdilikti arttyrý úshin jańa múmkindikter ashady. Ol kóptegen adamdar úshin paıdaly quralǵa aınalady jáne tsıfrlyq kommýnıkatsııalar dáýirinde qazaq mádenıetiniń damýy men saqtalýyna yqpal etedi.