Tikushaq apaty: Qaza bolǵandardyń balalaryna járdemaqy tólenedi

ASTANA. QazAqparat - Batys Qazaqstan oblysynda bolǵan Tikushaq apatynan qaza bolǵandardyń balalaryna kámeletke tolǵansha jumysta alyp júrgen aılyq mólsherinde járdemaqy tólenedi, dep habarlaıdy QazAqparat tilshisi.

Tótenshe jaǵdaılar mınıstrliginiń resmı ókili Rýslan Imanqulov vedomstvoda ótken brıfıngide osyndaı málimet aıtty.

«Qazavıaqutqarý» qaza tapqandardyń otbasylaryna jan-jaqty kómek kórsetedi. Rıtýaldy qyzmetterge jumsalatyn barlyq shyǵyndar «Qazavıaqutqarý» esebinen júrgiziledi. Qaza tapqan qyzmetkerlerdiń otbasylaryndaǵy balalar kámelettik jasqa tolǵanǵa deıin qaza tapqan qyzmetkerdiń jalaqysy mólsherinde aı saıynǵy járdemaqymen qamtamasyz etiletin bolady. Barlyq qajetti tólemder ujymdyq kelisimshartqa sáıkes tólenetin bolady», - dedi TJM ersmı ókili.

Eske salsaq, keshe Batys Qazaqstan oblysynda «Qazavıaqutqarý» AQ-ǵa tıesili tikushaqtyń «apatty jaǵdaıda qonyp», 4 adamnyń mert bolǵany habarlanǵan bolatyn.

Búgin tańerteń TJM Batys Qazaqstandaǵy oqys oqıǵadan qaza tapqandardyń aty-jónin jarııalady.