TikTok-ta Qasym-Jomart Toqaevtyń dıpfeıki paıda boldy

ASTANA. QazAqparat – Eldegi TikTok qoldanýshylary Prezıdent Qasym-Jomart Toqaevtyń dıpfeıkin qyzý talqylap jatyr. Bul týraly QazAqparat Tengrinews agenttigine silteme jasap habarlaıdy.

@unreal_tokaev (naǵyz Toqaev emes degen maǵynada) akkaýntymen tirkelgen dıpfeıktiń ázirge alty vıdeosy shyqty.

Birinde @unreal_tokaev bılese, birinde TikTok qoldanýshylaryna álemdik shokolad brendterin tańdaǵansha, «Qazaqstan» shokoladyn tańda degen mándegi ısharat joldaıdy.

Qoldanýshylardyń biri muny kim jasasa da, kreatıvti qadam bolǵanyn aıtsa, endi biri mundaı «erkin shyǵarmashylyq» úshin jaýapkershilik arqalaýǵa bolatynyn eskertken.

Al zańger Nadejda Geldt Tengri Lifestyle-ke bergen pikirinde Qazaqstan zańnamasynda dıpfeık máselesin retteýdiń naqty tetikteri joq ekenin aıtady.

Degenmen, qoldanystaǵy zańnama aıasynda ondaı dıpfeık qurý kezinde eskerý kerek tustardy ataǵan.

«Dıpfeık jasaý úshin avtory bar foto nemese vıdeomaterıaldar qoldanylady. Eger materıal avtorynyń ruqsatyn almasańyz, dıpfeık jasaǵan áreketińiz zańǵa qaıshy dep tanylýy múmkin», - deıdi zańger.

Vıdeodan alynǵan kadr/tiktok.com/@unreal_tokayev