«Tık-tok» úshin kópirden sekirgen túrkistandyq jastar kópshilikten keshirim surady

TÚRKІSTAN. QazAqparat - «Tık-tok» úshin kópirden sekirgen túrkistandyq jastar kópshilikten keshirim surady, dep habarlaıdy QazAqparat tilshisi.

Oqıǵa Saıram aýdanynda bolǵan. Jastardyń biri vıdeoǵa túsirip tursa, ekinshisi kópirden sekirgen. Keıin bul áreketterin áleýmettik jelige júktegen. Olardyń vıdeodaǵy sózderi aqsha úshin jasalǵandaı áser qaldyrady. Tártip saqshylary oqıǵanyń mán jaıyn bilip, jastardyń jeke basyn anyqtady. Al, áńgimelesý barysynda ázil úshin jáne vıdeony «tık-tok» jelisine ornalastyrý maqsatynda jasalǵan áreket ekendigin aıtqan.

«Sýǵa sekirgen jigit jaraqattanbaǵan jáne onyń densaýlyǵyna eshqandaı qaýip kelmegen. Óz kezeginde tártip saqshylary jastarǵa profılaktıkalyq túsindirme jumystaryn júrgizdi» delingen Túrkistan oblysy polıtsııa departamentiniń baspasóz qyzmeti taratqan aqparatta.

Al, jastar, óz kinálaryn moıyndap kópshilikten keshirim surady.