Tik Tok Qazaqstanda óz ókildigin ashýǵa nıetti

ASTANA. QazAqparat – Álemge áıgili TikTok vıdeo servısi Qazaqstanda óz bıznesin damytýǵa nıetti. Bul týraly «Aqorda.Live»-ke TikTok vıtse-prezıdenti Teo Bertram aıtty, dep habarlaıdy QazAqparat tilshisi.

TikTok Vıtse-prezıdenti Teo Bertram Digital Bridge forýmyna qatysý úshin Qazaqstan astanasyna arnaıy keldi.

«Meniń oıymsha, Qazaqstannyń bolashaǵy mańyzdy taqyryp bolyp otyr. Eldegi tsıfrlyq ekonomıkanyń ósý múmkindigi týraly shynymen shabyttandyratyn jáne áserli pikirtalastar boldy», - dedi Teo Bertram baǵdarlama júrgizýshisi Ánýar Karbozovqa.

Ol kompanııanyń Qazaqstandaǵy ókildigin ashý josparlanyp otyr ma, degen suraqqa jaýap berdi.

«Iá, búgin tańerteń biz óz bıznesimizdi osynda damytatynymyzdy jarııaladyq. ıAǵnı keńsemizdi ashamyz. Qazaqstan – qazaqstandyqtardyń shyǵarmashylyǵy men kásipkerligi turǵysynan ósý aımaǵy ǵana emes. Biz bul eldi aımaqtyq hab retinde de kóremiz», - dedi kompanııanyń vıtse-prezıdenti.

Onyń aıtýynsha, Qazaqstan Prezıdentiniń tsıfrlyq tehnologııalardyń damýyna qoldaý kórsetýi qýantady.

«Meniń oıymsha, Qazaqstan durys baǵytta kele jatyr. Men munda kóptegen kreatıvti blogerler men kontent jasaýshylardy kezdestirdim. Olardyń barlyǵy Qazaqstannyń ǵana emes, búkil álemniń aýdıtorııasyn qamtyǵysy keledi. Sondyqtan TikTok olarǵa kómektese alady», - deıdi ol.

Sondaı-aq, Teo Bertram Astanaǵa alǵash ret kelip turǵanyn aıtty.

«Prezıdentpen ósý múmkindikteri týraly jáne TikTok-tyń kontent jasaýshylarǵa platformany qalaı usyna alatyny týraly sóılestik. Menińshe, biz sııaqty kompanııalarǵa Úkimettiń tıimdi tsıfrlyq bolashaqty qalaı qalyptastyramyz degen máseleni nazarǵa alýy mańyzdy. Osy sharaǵa kelgenime óte qýanyshtymyn», - dep atap ótti Teo Bertram.

Buǵan deıin Memleket basshysy jyl saıynǵy «Digital Bridge 2022» halyqaralyq tehnologııalyq forýmyna qatysqany habarlanǵan bolatyn.