Tıyn-tebenge satylyp ketken Shymkenttegi Muz saraıy memleketke qaıtaryldy
2017 jyly Shymkent qalasynyń «Sport saraıy» JShS-nyń 67,09% úlesi jekeshelendirilip, quny 1 mlrd teńgege, ıaǵnı naryqtyq qunynan 8 ese az somaǵa satylǵany anyqtaldy.
Sonymen qatar Sport saraıyn satyp alǵan uıym jekeshelendirý rásimine zańsyz jiberilgen jáne jarǵylyq qujattarǵa sáıkes sport salasyndaǵy qyzmettermen aınalysýǵa quqyǵy joq bolǵandyqtan, aýktsıonǵa qatysýshy retinde tirkelýge jatpaıdy.
Sport saraıy ońtústik óńirlerde qysqy sport túrlerin daıyndaıtyn jalǵyz oryn sanalady.
Obektini jekeshelendirý kezinde memleket múlkin qoǵam ıgiligine tıimdi paıdalaný qaǵıdasyna sáıkes basqarýdy mindetteıtin Memlekettik múlik týraly zańnyń normalary buzylǵan.
Sondaı-aq 5 jyl ishinde memleket Sport saraıynyń úı-jaıyn jalǵa alýǵa 1 mlrd teńgeden astam qarjy jumsaǵan.
Shymkent qalasynyń mamandandyrylǵan aýdanaralyq ekonomıkalyq sotynyń 2024 jylǵy 27 mamyrdaǵy sheshimimen jekeshelendirý nátıjesi joıyldy.
Qazirgi ýaqytta sheshim zańdy kúshine endi.