Tıimsiz bıznes: Bir jylda elimizdegi jylyjaılar alańy 18% qysqarǵan

ASTANA. QazAqparat – Keıingi jyly Qazaqstandaǵy jylyjaılar alańy 18,1%-ǵa qysqardy. Jalpy elimizde kókónis, kóshet pen gúl ósirýge arnalǵan 1,5 myń gektarǵa jýyq jylyjaı aýmaǵy bar. Degenmen is júzinde onyń tek 1,2 myń gektary ǵana qoldanylyp otyr. Al qalǵan 270,5 gektar maqsatty paılanylmaı keledi, dep habarlaıdy QazAqparat tilshisi Energyprom.kz portalyna silteme jasap.

Bul jaǵdaı jylyjaıdan alynatyn kókónister kóleminiń tómendeýine sebep bolyp otyr. Byltyr fermerler jabyq jerde ósirilgen 182,4 myń tonna qııar men qyzanaq jınady. Al 2021 jyly jylyjaıdan alynǵan ónim 256,5 myń tonna bolǵan edi. ıAǵnı, kórsetkishter úshten birine tómendegen.

Іshki naryqqa shyǵarylatyn jylyjaı kókónisteriniń basym bóligi elimizdiń ońtústik aımaqtarynan jetkiziledi. Óıtkeni, klımaty qatal Soltústik pen Shyǵysqa qaraǵanda munda ónim ósirýge jumsalatyn shyǵyn az. Máselen, Túrkistan, Almaty, Jambyl oblystary men Shymkent qalasy qazaqstandyq bazarlar men dúkenderdiń sórelerine barlyq jylyjaı kókónisteriniń 76,3% jetkizedi. Bul rette Túrkistan oblysynyń fermerleri kósh bastap tur.

Al baǵaǵa keletin bolsaq, jylyjaı kókónisteriniń quny azyq-túlik ınflıatsııasynyń kórsetkishinen edáýir asyp túsedi. Máselen, suranys joǵary jeltoqsannan naýryzǵa deıingi aralyqta bul ónimniń kelisi 957-den 1244 teńgege deıin kóteriledi. ıAǵnı, ósim 47,5%-56,8% aralyǵynda.

Maýsymaralyq kezeńde qyzanaqtyń baǵasy da bir kelisine 1 000 teńgeden asty. Degenmen qııarmen salystyrǵanda bul ónim arzan. Atap aıtqanda, qyzanaqtyń quny shamamen 20%-32%-ǵa ósti.