Tıimdi memlekettik basqarýdyń bereri kóp - Marat Taǵymov
Senatordyń aıtýynsha, Memleket basshysy Nursultan Nazarbaevtyń Qazaqstan halqyna kezekti Joldaýy Tórtinshi ónerkásiptik revolıýtsııa jaǵdaıyndaǵy elimizdi jańǵyrtý boıynsha sharalar baǵdarlamasyn qamtıdy.
«Elbasymyzdyń alysty boljaǵan kóregen saıasaty nátıjesinde bizdiń elimiz joǵary belesterdi baǵyndyrdy: Qazaqstan 2017 jyly BUU Qaýipsizdik keńesiniń turaqty emes múshesi boldy, Jańa jyldan bastap biz oǵan tóraǵalyq etýdemiz. TMD elderi arasynda birinshi bolyp búkilálemdik mamandandyrylǵan EKSPO kórmesin ótkizdik.
Prezıdentimiz óziniń Joldaýynda bizdi qol jetkizgen bıikterimizde toqtalyp qalmaýǵa shaqyrdy jáne kókeıimizde erteńgi kúnge senimdilikti ornyqtyrdy.
Elbasy bizdiń aldymyzǵa Qazaqstandy damytýdyń jáne álemniń 30 neǵurlym damyǵan elderiniń qataryna ený boıynsha 10 negizgi mindetterdi qoıyp otyr», - deıdi Marat Taǵymov.
Senat depýtaty Joldaýdyń kúndelikti ómirdiń eń kókeıkesti degen salalaryna nazar aýdara otyryp, el damýynyń neǵurlym mańyzdy baǵyttaryn ashyp kórsetetine toqtala ketti.
«Solardyń ishindegi segizinshi mindet - «Tıimdi memlekettik basqarý» aýqymynda «Bir tereze» qaǵıdaty boıynsha bızneske memlekettik qoldaý kórsetý úderisterin tsıfrlandyrýdy qamtamasyz etý qajet» degen mindet alǵa qoıylyp, «Memlekettik organdardyń aqparattyq júıeleriniń ıntegratsııasy «bir ótinish» qaǵıdaty boıynsha jekelegen memlekettik qyzmet kórsetýden keshendi qyzmet kórsetýge kóshýge múmkindik beretindigi» aıtylady.
Nursultan Ábishuly óziniń Joldaýynda kúndelikti ómirdiń eń kókeıkesti degen salalaryna nazar aýdara otyryp, el damýynyń neǵurlym mańyzdy baǵyttaryn ashyp kórsetedi. Bunyń ózi memleket tarapynan qabyldanyp otyrǵan barlyq sharalardyń qazaqstandyqtardyń ál-aýqatyn jaqsartýǵa, elimizdiń ekonomıkasyn, áleýmettik salany damytýǵa baǵyttalǵanyn taǵy da bir márte kórsetedi», - dedi ol.
Marat Taǵymov Qazaqstandyq ındýstrııa bárinen buryn jańa tehnologııany engizýdiń bastaýshysy bolýy tıis degen pikirde.
«Bizge buǵan óndiristik protsesterdi tsıfrlandyrý jáne zamanaýı bıznes-modelderdi ıgerý arqyly eńbek ónimdiligin arttyrý esebinen qol jetkizýge bolady.
Bank júıesin saýyqtyrý, agroónerkásip keshenin, kólik jáne logıstıkalyq ınfraqurylymdy damytý esebinen qarjy sektorynyń jumysyn kóbeıtýge baılanysty máseleler de kún tártibinde tur.
Zań ústemdigin nyǵaıtý jáne sybaılas jemqorlyqpen kúreske qatysty jaılarǵa da erekshe nazar aýdarylady. Osyǵan baılanysty Memleket basshysy memlekettik organdarda olardyń turǵyndarmen jáne bıznespen ózara áreketin, sondaı-aq sot jáne quqyq qorǵaý júıeleriniń ınstıtýtsıonaldyq qaıta qurylymyn qamtı otyryp, protsesterdi tsıfrlandyrýdy qajettilik dep sanaıdy. Azamattardyń konstıtýtsııalyq quqyqtary kepildigin nyǵaıtý, quqyq ústemdigin qamtamasyz etý, quqyq qorǵaý qyzmetin izgilendirý boıynsha jumystar kúsheıtile túsetin bolady», - dedi senator.
Marat Taǵymov Prezıdenttiń kezekti Joldaýy elimizdi odan ári jańǵyrtýdyń mańyzdy yntalandyrýshysy, sondaı-aq árbir qazaqstandyq úshin is-áreketke basshylyq retinde qyzmet etetinine senimdi.
«Bizdiń elimizde jańa álemniń kósh bastaýshylary qataryna ený úshin barlyq jaǵdaı men múmkindikter bar. Bul úshin Elbasymyz aldymyzǵa qoıyp otyrǵan mindetterdi sheshýge jumyla kirisýimiz qajet», - dedi ol.