Tıbette qar kóshkini júrip, 13 adam qaza tapty

BEIJІŃ. QazAqparat – Qytaıdyń ońtústik-batysyndaǵy Tıbet avtonomdy aýdanynda bolǵan qar kóshkininen 13 adam mert boldy. Bul týraly Qytaıdyń ortalyq telearnasy (CCTV) málimdedi, dep habarlaıdy QazAqparat.

Telearnanyń dereginshe, 19 qańtar kúni Tıbettiń Nıngchı qalasy mańyndaǵy avtokólik júretin jerasty jolyna qar kóshkini túsip, 13 adam kóz jumǵan.

«Sınhýa» agenttiginiń habarlaýynsha, qar kóshkini atalǵan qalanyń jerasty jolynan shyǵatyn jerde bolǵan. Adamdar men kólikter qar astynda qaldy.

Qazirgi ýaqytta izdeý-qutqarý jumystary júrip jatyr. Qutqarý jumysyna 700-den asa adam tartylǵan.

Ashyq kózderden alynǵan foto