The Kazakhstan Monitor áleýmettik jelide aǵylshyn tilinde jańalyq taratady
17:33, 09 Qarasha 2021
NUR-SULTAN. QazAqparat – The Kazakhstan Monitor gazetiniń Instagram paraqshasynda Qazaqstan týraly ózekti jáne qyzyqty jańalyqtardy aǵylshyn tilinde oqýǵa bolady, dep habarlaıdy QazAqparat.
The Kazakhstan Monitor – qazaq jáne orys tilderinde habar taratatyn qazaqstandyq jelilik qoǵamdyq-saıası basylym.
Ótken jyldyń qazan aıynda Instagram áleýmettik jelisinde The Kazakhstan Monitor akkaýnty iske qosyldy.
Osy arqyly tehnologııaǵa, bızneske, qoǵamǵa, mádenıet pen sportqa qatysty jańalyqtar azamattarǵa aǵylshyn tilinde de qoljetimdi boldy.
Sondaı-aq, The Kazakhstan Monitor sheteldegi qazaqstandyqtardyń jetistikteri týraly da jıi jazady.
Qazirgi ýaqytta paraqshaǵa 10 myńnan astam qoldanýshy jazylǵan.