Josparlanǵan on bir aptanyń beseýi aıaqtaldy. Búginde túsirilim toby Almaty oblysynda telehıkaıanyń negizgi kórinisterin, sonyń ishinde pırotehnıka, kaskaderlik trıýkter men janýarlar qatysatyn keń aýqymdy shaıqas epızodtaryn túsirip jatyr.
Túsirilim alańynda 400-den astam maman: rejısserler, operatorlar, sýretshiler, tehnıkalyq qyzmetkerler jáne akterler jumys isteýde. Túsirilimge 80 akter men Nomad Stunts komandasynyń 20 kásibı kaskaderi qatysyp jatyr.
Túsirilim tobymen Qazaqstan Respýblıkasynyń Memlekettik keńesshisi Erlan Qarın kezdesti. Ol ornatylǵan dekoratsııalarmen tanysyp, kórinisterdi daıyndaý barysyn baqylap, shyǵarmashylyq jáne uıymdastyrýshylyq máselelerdi komandamen talqylady. Kezdesýge jobanyń prodıýseri Fıkret Manoglý men jobanyń rejısseri Emre Sahın de qatysty.
Túsirilim aıaqtalǵannan keıin joba montaj jáne postprodakshn kezeńine ótedi, onda beıne jáne dybys elementteri tutas kınematografııalyq týyndyǵa biriktiriledi.
Eske sala keteıik, naýryz aıynda Joshy han týraly halyqaralyq tarıhı serıaldyń túsirilimi bastalǵanyn jazǵan edik.