Teılor Svıftke arnalǵan keshte óltirilgen balalardyń sany úshke jetti

<p>ASTANA. KAZINFORM &mdash;&nbsp; Saýtport qalasynda Teılor Svıfttiń shyǵarmashylyǵyna arnalǵan bı master-klasy kezinde pyshaqpen shabýyl jasalyp, qaza tapqan balalardyń sany úshke deıin ósti. Bul týraly Mersısaıd okrýginiń polıtsııasy málimdedi, dep habarlaıdy Kazinform agenttigi.</p>

Bı sheberlik saǵaty kezinde balalarǵa pyshaqpen jasalǵan shabýyl týraly buǵan deıin habarlanǵan bolatyn. Nátıjesinde eki bala qaza tapty, taǵy toǵyzy jaraqat aldy, altaýy aýyr jaǵdaıda bolǵan.

Oqıǵa Teılor Svıftke arnalǵan is-shara kezinde, Anglııanyń teńiz jaǵalaýyndaǵy Saýtporttaǵy Hart-strıtte boldy. Qastandyq jasady ári kisi óltirdi degen kúdikpen Lankashırdegi Benks qalasynan kelgen 17 jastaǵy bozbala qamaýǵa alyndy.

Patsha men premer-mınıstr zardap shekkenderge shyn júrekten kóńil aıtyp, qurbandardy eske aldy.