Testileý ortalyǵynyń mamany mektep muǵalimderin para berýge arandatqan
12:46, 28 Aqpan 2020
NUR-SULTAN. QazAqparat - Mektep muǵalimderin para berýge arandatqan Ulttyq testileý ortalyǵy Qyzylorda oblystyq fılıaly mamanynyń áreketi áshkere boldy. Bul týraly QR Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty, dep habarlaıdy QazAqparat tilshisi.
«Qyzylorda oblystyq sybaılas jemqorlyqqa qarsy qyzmeti Ulttyq testileý ortalyǵy óńirlik fılıalynyń mamanyn áshkereledi. Ol Qyzylorda qalasyndaǵy orta mektep pedagogtaryn ulttyq biliktilik testileýden sátti ótý maqsatynda oblystyq bilim basqarmasynyń laýazymdy tulǵalary úshin 1 mıllıon 400 myń teńge para berýge arandatty degen kúdikke ilinip otyr», - dedi Qaısar Barjaqsynov.
Agenttik tergeýshisiniń aıtýynsha, fılıal mamany kinásin moıyndap, tergeýge kelýge jazbasha mindetteme alǵan.
Sondyqtan kúdikti qamaýǵa alynbaǵan.