Tesla Shanhaıda taǵy bir gıgafabrıka salady

ASTANA. SINЬHÝA - QazAqparat – Amerıkalyq avtomobıl shyǵarýshy kompanııa Tesla Inc. Shanhaı qalasynda Megapack energııa jınaqtaý óndirisi boıynsha jańa gıgafabrıka salatynyn málim etti, dep habarlaıdy QazAqparat Sınhýa agenttigine silteme jasap.

Shanhaıda ótken jobalyq qujattarǵa qol qoıý rásiminde habarlanǵandaı, jańa zaýyttyń qurylysyn bastaý bıylǵy úshinshi toqsanǵa josparlanǵan, al óndiris 2024 jyldyń ekinshi toqsanynda iske qosylady.

Bastapqy kezeńde jańa gıgafabrıka jalpy jınaqtalǵan energııasy shamamen 40 GVt/saǵ bolatyn jylyna 10 myń Megapack shyǵarady. Bul zaýytta óndirilgen ónim dúnıe júzine satylady.
Tesla saıtynda atap ótilgendeı, Megapack – bul qýatty modýldik batareıalar, olar energııany saqtaýǵa jáne energetıkalyq qoldaýdy qamtamasyz etýge múmkindik beredi. Olardy paıdalaný energııa júıesin turaqtandyrýǵa jáne elektr qýatynda irkilisti boldyrmaýǵa kómektesedi.
Zaýyt Shanhaıdaǵy pılottyq erkin saýda aımaǵynyń Lıngan aımaǵynda salynady.