Tesla kompanııasy Model S jáne Model X avtokólikteriniń baǵasyn kóterdi

ASTANA. TASS - QazAqparat - Amerıkalyq Tesla kompanııasy AQSh-ta Model S jáne Model X avtokólikterine baǵany $2,5 myńǵa kóterdi, dep habarlaıdy QazAqparat TASS agenttigine silteme jasap.

Bloomberg agenttiginiń habarlaýynsha, osy jyldyń basynda kompanııa ónimi baǵasynyń tómendeýi avtoóndirýshi aktsııasy quny men tabysyna yqpal etken.

Agenttik málimetinshe, Tesla sedany men jol talǵamaıtyn kóligi 2-3%-ǵa qymbattaǵan.

S jáne X modeliniń baǵasy qazir sáıkesinshe 87,490 jáne 97,490 dollardan bastalady, deıdi Bloomberg.

Agenttiktiń aqparaty boıynsha, baǵa ósýine qaramastan, avtomobılderdiń baǵasy birinshi toqsannyń sońyndaǵy baǵamen salystyrǵanda tómen bolǵan.

Tesla korporatsııasyn Ilon Mask 2003 jyly qurǵan. Juma kúni Masktyń dáýleti táýligine 12,6 mıllıard dollarǵa tómendegeni belgili boldy.

Bloomberg Billionaires ındeksine sáıkes, bıznesmenniń shyǵyndary 2023 jyldyń basynan beri rekordtyq kórsetkishke jetti.

Mıllıarder baılyǵynyń aıtarlyqtaı tómendeýine Tesla aktsııalarynyń 9,75% arzandaǵany da áser etken.