Tesla avtopılot kesirinen bolǵan apattyń alǵashqy sotynda jeńiske jetti

<p>Tesla kompanııanyń avtopılot júıesi adam ólimine ákeldi degen aıyptaýlarǵa qatysty alǵashqy sot otyrysynda jeńiske jetti, dep habarlaıdy <a href="Kazinform" target="_blank" rel="noopener">Kazinform </a>agenttigi <a href="https://www.dw.com/ru/tesla-dokazala-v-sude-nepricastnost-avtopilota-k-smertelnomu-dtp/a-67272550" target="_blank" rel="noopener">DW </a>jańalyqtaryna silteme jasap.</p>

Ilon Masktyń kompanııasy avtopılot tehnologııasy 2019 jylǵy Kalıfornııa júrgizýshisiniń ólimine ákelgen apatqa qatysy joq ekenin dáleldeı aldy. Ol kezde kompanııanyń Tesla Model 3 kóligi aǵashqa soǵylyp, órtenip ketken. Aman qalǵan eki jolaýshy kompanııaǵa qarsy sotqa aryz túsirip, Tesla-dan júrgizýshiniń dene jaraqaty, moraldyq shyǵyn jáne júrgizýshi ólimi úshin ótemaqy retinde 400 mıllıon dollar talap etken.

Sotqa aryzdanýshy eki adamnyń advokaty avtopılot rejımindegi óndiristik aqaýǵa baılanysty kólik kenetten joldan shyǵyp ketkenin aıtty. Kompanııa óz jaýabynda júrgizýshiniń rólge otyrmas buryn alkogoldik ishimdik ishkenin, tipti apatqa deıin avtopılotty iske qosqanyna eshqandaı dálel joq ekenin alǵa tartty.

Toǵyz adamnan turatyn sot alqasy Tesla jaǵyna shyqty.

Bloomberg málimetinshe, kompanııany alda avtopılot aqaýlary 2021 jyldyń maýsym aıynan bergi 17 adam ólimine ákep soqqan jol apattaryna qatysy bar-joǵyn anyqtaýǵa arnalǵan federaldy tergeý kútip tur. Aldaǵy aılarda ólimge ákelgen apattarǵa qatysty birneshe sot isi Kalıfornııa men Florıda sottaryna túsedi.