Terrorlyq akt negizinde prokýror Kúlekbaevqa ólim jazasyn berýdi surady

ALMATY. QazAqparat - Búgin Almatydaǵy LA-155/18 tergeý abaqtysynda Rýslan Kúlekbaevtyń isine qatysty sot talqysynyń tórtinshi kúni ótip jatyr. Almaty qalasy prokýrorynyń kómekshisi Jarqynbek Baqashbaev Kúlekbaevqa ólim jazasyn surady, dep habarlady QazAqparat.

«QR QK 291-babynyń 2-tarmaǵymen, QR Konstıtýtsııasynda eń aýyr jaza ólim jazasy terrorlyq akti jasaǵanda qoldanylatyny jazylǵan. QR QK 200-babyndaǵy terrorlyq aktige baılanysty Ata zań atynan, qylmystyq isterdi júrgizýde prokýratýra qyzmetkerine berilgen ókilettik negizinde, 255-baptyń 4-tarmaǵyna súıenip, múlkin tárkilep, ólim jazasyn berýdi suraımyn», dedi Baqashbaev.

Prokýror Kúlekbaev isi boıynsha jaýapqa tartylǵan Rafık Lıýdyń múlkin tárkileı otyryp, 9 jylǵa jazasyn qatań rejımdegi kolonııada óteýdi, Saparbekovtiń múlkin tárkilep, 12 jylǵa qatań tártiptegi kolonııada jazasyn óteýdi, Ásembekulyn múlkin tárkilep, 11 jylǵa bas bostandyǵynan aıyrýdy, Qusaıynovty 11 jylǵa bas bostandyǵynan aıyrýdy surady.