Terrorızmmen kúres: Qazaqstan qaýipti elder reıtınginde 93-orynda

NUR-SULTAN. QazAqparat - Qazaqstan lańkestik deńgeıi jaǵynan eń qaýipti elder reıtınginde 135 eldiń arasynda 93-shi oryn aldy. Eldiń ındeksi 0,901-di quraǵan – bul kórsetkim óte tómen qaýip deńgeıine jatqyzylady. Bul týraly QazAqparat energyprom.kz aıtyna silteme jasap habarlaıdy.

Indeks máni neǵurlym joǵary bolsa, elde janjaldar men lańkestik aktiler soǵurlym jıi bolady. Eger ındeks nólge teń bolsa, bul elde lańkestik qaýpi múldem joq ekenin bildiredi.

Reıtıng málimetterine sáıkes, antıkóshbasshylar elderdiń «ondyǵynda» álemde lańkestikten bolatyn ólimniń 80 paıyzy bolyp otyr.

Lańkestik qaýpi joǵary elder reıtıngin Aýǵanstan, Irak jáne Nıgerııa ashyp otyr.

2020 jyldyń qańtar-qazan aılarynda elimizde ekstremızm jáne lańkestikpen baılanysty 189 qylmystyq quqyqbuzýshylyq tirkelgen, bul byltyrǵy jylmen salystyrǵanda 14,9 paıyz az.

Salystyrmaly túrde: 2019 jyldyń qańtar-qazan aılarynda 222 oqıǵa tirkelgen, bul aldyńǵy jylmen salystyrǵanda 24,2 paıyz az.

Aımaqtyq deńgeıde ekstremızm jáne lańkestikke baılanysty eń kóp quqyqbuzýshylyqtar Túrkistan oblysy men Almaty qalasynda tirkelgen (árbir aımaqta 29 oqıǵadan).

Antıkóshbasshylar tizimine sondaı-aq Shymkent (19 quqyqbuzýshylyq) jáne Nur-Sultan qalasy (15 oqıǵa) kirdi.

Quqyqbuzýshylyqtar eń az tirkelgen aımaqtarǵa Soltústik Qazaqstan, Aqmola jáne Pavlodar oblystary kirdi.