Terrorızmdi tólem uıymdary arqyly qalaı qarjylandyrdy

NUR-SULTAN. QazAqparat - Joǵary fýnktsıonaldylyq jáne jańa tólem júıeleri men qyzmetterdi paıdalanýdyń aıtarlyqtaı ósýi aqshany jylystatýǵa jáne terrorızmdiqarjylandyrýǵa qarsy is-qımyl salasynda qaýip tóndiredi, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

Tólem uıymdary jańa osal baǵyttarǵa jatady jáne zańsyz jáne terrorıstik áreketterde aqsha jınaý jáne aýdarý kezinde qoldanylýy múmkin.

Bul quraldardyń kópshiligi álemniń kez kelgen jerinde qol jetimdi jáne aqshany jedel jáne ýaqtyly aýdarý úshin qoldanylady.

Mundaı quraldardy áleýmettik jelilerde qoldaný áleýetti demeýshiler men zańsyz taýarlardy satyp alýshylardyń neǵurlym keń sheńberine qol jetkizýge, sondaı-aq terrorızmdi qarjylandyrý úshin aqsha qarajatyn jınaýdy júzege asyrýǵa jol ashady.

Buǵan dálel Qarjylyq monıtorıng agenttiginiń Sırııadaǵy jaýyngerler ıelik etetin sheteldik QIWI ámııandaryna júıeli túrde aqsha aýdarǵan jeke tulǵaǵa qatysty tergeýi boldy.

Aıta ketsek, bul azamattyń kúdikti operatsııalary týraly alǵashqy aqparat QIWI-den kelip, quqyq qorǵaý organdaryna jedel áreket etýge jáne terrorızmdi qarjylandyrý shemasyn joıýǵa múmkindik berdi.

Sonymen qatar, tólem uıymdary esirtki jáne psıhotroptyq zattardy satyp alý úshin paıdalanyldy. Agenttik Qazaqstan azamatynyń áleýmettik jelilerde esirtki zattaryn jarnamalaǵanyn jáne tólem termınaldary arqyly tólemderdi qabyldaǵanyn anyqtady.

Tólem termınaldary qylmystyq shemalarda tanymal, sebebi klıent anonımdi bolyp qalýyna múmkindik beredi.

Mysaly, esirtki zattaryn satýshy tórt aı ishinde birdeı somamen 450 aqsha aýdarymyn alǵanyn tergeý barysynda dáleldengen.

Joǵaryda keltirilgen mysaldar tólem uıymdarynyń qylmystyq álemge yqpal etýdegi táýekelderin naqty kórsetedi. Tólem uıymdarynyń Agenttikpen tyǵyz ózara is-qımyly qylmystyq kiristerdi jylystatý jáne terrorızmdi qarjylandyrý faktilerin ýaqtyly anyqtaýǵa múmkindik beredi.

Osyǵan baılanysty, keıbir tólem uıymdarynyń Agenttiktiń saıtynda ornalastyrylǵan qylmystyq kiristerdi zańdastyrý jáne terrorızmdi qarjylandyrý tıpologııalary men shemalaryn paıdalanbaýy alańdaýshylyq týdyrady (afmrk.gov.kz).

Sonymen qatar, Qazaqstanda qarjylyq operatsııalar týraly derekterdi jınaý júıesinde tirkeýden ótpegen tólem uıymdary bar. Mundaı uıymdardyń tizimi saıtta jarııalanady.

Agenttik atalǵan uıymdarǵa dereý WEB-SFM tirkeýden ótýdi jáne Qarjylyq monıtorıng agenttigine shekti jáne kúdikti operatsııalar týraly ýaqtyly habarlaýǵa shaqyramyz.

Agenttikpen yntymaqtastyq jáne basqa da máseleler boıynsha suraqtar týyndaǵan jaǵdaıda tólem uıymdary 8 701 899 99 55 nómiri boıynsha habarlasa alady.