Terrorızmdi nasıhattaǵany úshin eki azamat 7 jylǵa sottaldy
Buryn UQK-men terrorızmdi nasıhattaǵany jáne basqa da qylmystary úshin qamaýǵa alynǵan eki QR azamatyna qatysty sot protsesteri aıaqtaldy.
– Solardyń biri – Taraz turǵyny, aınalasyndaǵylardy sheteldegi lańkester qatarynda soǵys áreketterine qatysýǵa shaqyryp, sonymen qatar ózi de olarǵa qosylýdy josparlaǵan. Taraz qalalyq sotynyń sheshimimen ol terrorızmdi nasıhattaǵany (QK-niń 256-baby), dinı arazdyqty qozdyrǵany úshin (QK-niń 174-baby) kináli dep tanylyp, 7 jylǵa bas bostandyǵynan aıyryldy, – delingen habarlamada.
Kelesi sotty bolǵan Almaty turǵyny, buryn da ózge qylmystary úshin birneshe ret zańǵa tartylǵany belgili boldy. Ol ǵalamtor jelisinde radıkaldy ıdeologııany nasıhattaǵany úshin aıyptaldy.
Almaty qalalyq sotynyń sheshimimen ol terrorızmdi nasıhattaǵany (QK-niń 256-baby), esirtkini zańsyz paıdalanǵany úshin (QK-niń 296-baby) kináli dep tanylyp, 7 jyl 1 aıǵa bas bostandyǵynan aıyryldy.
Jalpy, 2024 jyl basynan terrorıstik jáne ekstremıstik áreketteri úshin 84 adam sottalǵan.
Buǵan deıin habarlanǵandaı, terrorızmdi nasıhattaǵan ShQO turǵyny 7 jylǵa bas bostandyǵynan aıyryldy.