Terrorızm aktisi jaıly jalǵan habarlamalarǵa qatysty qylmystar ashylmaǵan kúıi qalyp otyr - ІІM

ASTANA. QazAqparat – 5 jyl ishinde terrorızm aktileri týraly ishki ister organdaryna túsken jalǵan habarlamalar sany ósti. «Ashyq» NQA portalynda jarııalanǵan Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasynda osylaı jazylǵan, dep habarlaıdy QazAqparat tilshisi.

«Terrorızm aktileri týraly jalǵan habarlamalar sanynyń ósýiniń turaqty úrdisi baıqalady. Atap aıtqanda, 2018 jyly – 147, 2019 jyly – 79, 2020 jyly – 64, 2021 jyly – 88, 2022 jyly – 227). Habarlama joldaýshylar negizinen azamattardyń jappaı bolatyn oryndaryn ataıdy. Bul halyq arasynda dúrbeleń men qorqynysh sezimin týdyrady, evakýatsııalyq jáne tekserý sharalaryn uıymdastyrýǵa, uıymdardyń jumysyn toqtatýǵa aıtarlyqtaı materıaldyq shyǵyndarǵa ákeledi», - dep jazylǵan tujyrymdamada.

Іshki ister mınıstrligi usynǵan aqparatqa sáıkes, mundaı qylmystardyń kópshiligi ashylmaı qalyp otyr. Oǵan habarlamalardyń sheteldik ınternet-mekenjaılardan jasalatyny jáne olardyń avtoryn izdestirý sharalaryn júrgizýge quqyqtyq negizderdiń bolmaýy sebep.