Terrorıstik áreketter uıymdastyrǵan degen kúdikpen 5 adam ustaldy, bireýi sheteldik

<p>Shildede Astana, Shymkent qalalarynda, Atyraý, Jambyl oblystarynda UQK prokýratýranyń úılestirýimen jáne polıtsııa kómegimen dinı radıkaldardyń áreketteriniń jolyn kesý boıynsha is-shara ótkizdi.</p>

«Jedel qyzmetkerler terrorıstik áreketterge qatysýǵa, terrorızmdi nasıhattaýǵa, ekstremıstik áreketterdi uıymdastyrýǵa jáne osy maqsatta adamdardy tartýǵa kúdikti retinde Qazaqstannyń 4 azamatyn men 1 sheteldikti ustady jáne qamaýǵa aldy», — dep jazdy vedomstvodan.

Olardyń turǵylyqty jerinen kóptegen dinı-ekstremıstik ádebıetter men ózge de zattaı dáleldemeler alyndy.

Foto: UQK

Aıta ketý kerek, kúdiktilerdiń biri buǵan deıin shet memlekettiń aýmaǵynda soǵys áreketterine qatysyp, sol úshin Qazaqstanda sottalǵan bolatyn.

Taǵy ekeýine qatysty «aýyr» esirtkini únemi qoldanǵany týraly aqparat tekserilýde. 

Foto: UQK

Qylmystyq kodekstiń 256, 257, 259 jáne 405-baptary boıynsha sotqa deıingi tergep-tekserý júrgizilýde.

Qylmystyq-protsestik kodekstiń 201-babynyń 1-bóligine sáıkes ózge de aqparat jarııa etilýge jatpaıdy.

Foto: UQK