Terrorıstik turǵydan osal nysan ıelerine aıyppul salyndy
Kópshilik kóp shoǵyrlanatyn bul ǵımarattardyń barlyǵy terrorıstik shabýyldardan az qorǵalǵan dep baǵalandy.
«Bıyldan bastap arnaıy qurylǵan jumys toby belgilengen nysandardyń 90%-yn tekserip shyqty. Nátıjesinde 600 nysannyń basshysyna antıterrorıstik turǵydan az qorǵalýyna baılanysty eskertý berildi. QR Ákimshilik quqyq buzýshylyq týraly zańnyń 149 jáne 462-baptary boıynsha 101 nysannyń qojaıynyna qatysty ákimshilik materıal jınalyp, mamandandyrylǵan sotqa jiberildi. Sot sheshimimen, 99 menshik ıesine 33 mln teńge kóleminde aıyppul salyndy», - dedi Almaty qalalyq polıtsııa departamentiniń ekstremızmge qarsy basqarma basshysy Erkin Іnkárov.
Buǵan qosymsha polıtsııa qyzmetkerleri adam kóp shoǵyrlanatyn nysan basshylary men kelýshileriniń arasynda túsindirý jumystaryn júrgizdi.