Teri men júndi tereńdetip óńdeıtin ókilettilik AShM quzyryna berilmeıdi

NUR-SULTAN. QazAqparat – QR Premer-Mınıstri Álıhan Smaıylov Senat depýtattarynyń saýalyna joldaǵan jaýabynda teri men júndi tereńdetip óńdeý máselesin Aýyl sharýashylyǵy mınıstrliginiń qaramaǵyna berý nege múmkin emes ekenin túsindirdi, dep habarlaıdy QazAqparat tilshisi.

«Shıkizat óndirý, jún men terini bastapqy óńdeý máseleleri Aýyl sharýashylyǵy mınıstrliginiń quzyryna jatady. Al teri men júndi tereńdetip óńdeý Indýstrııa jáne ınfraqurylymdyq damý mınıstrliginiń jeńil ónerkásip jáne qaıta óńdeý salasyna jatady. Óz kezeginde bastapqy óńdeýdi de, tereńdetip óńdeýdi de qoldaý sharalary aıqyn ajyratylǵan», - dep jazdy Álıhan Smaıylov óz jaýabynda

Osyny alǵa tartqan Úkimet basshysy teri men jún óńdeý isin túgeldeı Aýyl sharýashylyǵy mınıstrligine ótkizýge negiz joq degen paıym aıtady.

«Osyǵan baılanysty bylǵary men júnditereńdetip óńdeý máselesin Indýstrııa jáne ınfraqurylymdyq damý mınıstrliginiń quzyrynan Aýyl sharýashylyǵy mınıstrliginiń qaraýyna berý qarastyrylyp otyrǵan joq», - delingen jaýapta.

Buǵan deıin Álıhan Smaıylovtyń Májilis ókilderiniń depýtattyq saýalyna joldaǵan jaýabynda dıqandar úshin tyńaıtqysh baǵasyn arzandatýǵa respýblıkalyq bıýjetten qosymsha qarjy bólý máselesi qarastyrylyp jatqanyn aıtty.